Amparera di à lingua corsa
Da a straziera à a puesia .
Quandu fu ghjuntu u mumentu di fà a lezzione di lingua corsa à i sculari mi so subitu avistu ch'ella saria un'opera assai difficiule . A dirla franca a mi pensavu anchu nanzu , e in scola mi so trovu in fronte à a realità .
Aghju capitu prestu , aghju vistu e aghju intesu prestu (anzi un n'aghju intesu nunda) che a lingua corsa era in stu locu robba straniera per a maio maggiurenza di i zitelli , si po di quasi tutti...
Robba straniera vale à di lingua straniera. A lingua corsa , i zitelli un l'aviannu micca in capu perche un l'aviannu mai avuta ind'e l'arrechje. Un cunniscivannu mancu , cume per l'inglese, qualchi vucabulu scarzu e spapersu cume "week-end" , per esempiu.
Mi so dunque messu à u travagliu e cume dice à locuzione populare "u bisognu era a mezza casa."
Aghju subitu pensatu à adupra libri e libretti ridattati da cullegui e scrivani chi aviannu studiatu a quistione . Ma , ancu qui , mi so accortu di l'inciampu. I libri , di grande qualità , un n'eranu micca adattati cume lu ci vuliva à situazione pedagogica di sta scola .
U mo primu penseru fu di fà amparà appena di lessicu in ammintendu une poche di parolle di a vita d'ogni ghjornu et ancu di a vita di a zitellina.
Mi so dunque messu à custrui sta racolta di parolle semplice ma fin'ava scunisciute .
E per avè picculi testi di travagliu aghju fattu a scelta di scrive qualchi piccule puesie nanta uni pochi di temi vicini di a scola e di a vita di i zitelli.
E avemu travagliatu incu sti testi corti e semplici.
I temi scelti funu :
I zitelli ; A scola ; A simana ; I mesi ; I numari di a vita ; U sole ; E fronde d'auturnu ; Bastia ; U veranu; U mare ; Carnavale ; Spurtivu ; Natale ; Deliziu (u fiado) ; Arcubalenu ; Robba di tutti i ghjorni ; Lochi ;
Incu sti testi e ancu incu l'aiutu di "A prima grammatichella corsa" di Antone Bonifacio si è fattu un travagliu interessante . .../...
Aghju quantunque adupratu assai stu librettu di grammaticha , semplice ma assai struttivu .
Ind'u primu testu avemu amparatu :
appena di lessicu incu e parolle : zitellu , zitella , zitelli , fratellu , surella
appena di grammatica incu u maschile (zitellu) e u feminile (zitella)
anch'appena di grammatica incu u sigulare e u plurale (zitellu , zitelli , zitella , zitelle)
avemu vistu u principiu di i verbii esse e avè.